ស្ដៅព្យាបាលទឹកនោមផ្អែម
ជាតិ ល្វីងរបស់ស្ដៅមានប្រយោជន៏សម្រាប់អ្នកជំងឺនោមផ្អែម រហូតដល់ក្បួនវេជ្ជសាស្រ្តបុរាណ បានយកស្ដៅទៅធ្វើជារូបមន្ដព្យាបាលជំងឺទឹកនោមផ្អែមទៀតផង។ ថ្វីបើទឹកនោមផ្អែមពុំមែនជាជំងឺ ដែលអាចព្យាបាលជាដាច់ស្រឡះ តែវាក៏អាចជួយទ្រទ្រង់អ្នកជំងឺទឹកនោមផ្អែមឱ្យមានសុខភាពល្អ និងមិនត្រូវបានធ្វើទុក្ខបុកម្នេញដោយសារជំងឺនេះខ្លាំង។ រូបមន្ដទី១
- យកស្ដៅដាំទឹកពិសា ឫនាំយកទៅធ្វើជាអាហារទទួលទានក៏បាន តែត្រូវទទួលទានរាល់ថ្ងៃ។ អ្នកនឹងបានឃើញថា ទឹកនោមចាប់ផ្ដើមមានសភាពថ្លាបន្តិចម្ដងៗ ហើយអាការផ្សេង" គ៏ចាប់ផ្ដើមមានសភាពថ្លាបន្តិចម្ដងៗ ហើយអាការផ្សេងៗ ក៏ចាប់ផ្ដើមបាត់បង់ធូររសាយដែរ។វិធីដាំទឹក គឺត្រូវប្រើស្លឹកស្ដៅ ១ក្ដាប់ដោយ ជាមួយទឹក ៣ ៤កែវ ដាំឱ្យពុះ៥ ១០នាទី រួចទទួលទានស្ដៅនេះមួយថ្ងៃ៣ដងមុនពេលអាហារ។
រូបមន្ដទី២
ប្រើស្លឹកស្ដៅស្រស់ ១គីឡូក្រាម ស្លឹកក្រូចសើចស្រស់១គីឡូក្រាម វល្លិបណ្ដូលពេជ្រស្រស់១គីឡូក្រាម ដាក់ទឹកឱ្យលិច ហើយដាំឱ្យពុះប្រមាណ ១០ ១៥នាទី។ ចូរទទួលទានទឹកថ្នាំនេះជំនួសទឹក ដោយទទួលទាន១កែវ រៀងរាល់៤ម៉ោងម្ដង។ ពេលទឹកថ្នាំសាបត្រូវយកវត្ថុធាតុដើមថ្មីមកដាក់ស្ងោរ។ ទទួលទានត្រឹមតែ៣ឆ្នាំងនឹងបានឃើញលទ្ធផលជាពុំខាន។ ក្នុងអំឡុងពេលនេះដែរ គួរផ្អាកទទួលទានទឹកតែ កាហ្វេ អូវ៉ាន់ទីន និងបង្អែមគ្រប់ប្រភេទ៕កែបញ្ហាសក់ខ្លាញ់
សក់ ខ្លាញ់ គឺជាបញ្ហាគួរឱ្យរំខានមួយ ព្រោះវាធ្វើ ឱ្យសក់ស្អិតងាយប្រឡាក់ធូលី។ ខាងក្រោមនេះជា វិធីកែបញ្ហសក់ខ្លាញ់ដោយប្រើល្ហុងទុំ។ចូរយកសាច់ល្ហុងទុំមកច្របាច់ឈ្លីឱ្យ ម៉ដ្ឋ ហើយ យកទៅលាបបំពោកសក់។ បន្ទាប់មកយកបន្សែងពោះគោ ឫមួកងូតទឹកមកគ្របសក់ទុកប្រមាណ១០ ១៥នាទី រួចចាំលាងចេញដោយទឹកស្អាត ហើយកក់សក់ជាធម្មតា។ អនុវត្តបែបនេះ មិនយូរប៉ន្មានសក់ លែងស្អិតខ្លាញ់ទៀតហើយ៕
៦ចំណុចបង្កើនការចងចាំ!
បញ្ហា ពិបាកចងចាំបានធ្លាក់មកលើមនុស្សសឹងគ្រប់វ័យ ។ ជាទូទៅបញ្ហានេះច្រើនកើនឡើងចំពោះបុគ្គលដែលមានវ័យចំណាស់និង មនុស្សដែលពុំសូវគិតពីសុខភាពខួរក្បាល។ តែទោះជាយ៉ាងណាបញ្ហាទាំងនេះនៅអាចដោះស្រាយបានដោយអនុវត្តតាម តិចនិកដូចខាងក្រោម។ចូលចិត្តប្រមូលព័ត៌មាន
វិធីដែលល្អអ្នកគួរតែធ្វើជាមនុស្សដែលចូលចិត្តចង់ដឹងចង់លឺពី រឿងដែលនៅជុំវិញខ្លួន។ កាន់តែចង់ដឹង ព័ត៌មានក៏កាន់តែច្រើនដូច្នេះនេះជាផ្នែកមួយជួយដល់ការចងចាំរបស់ អ្នក។
រូបមន្តចុងចួន
បើអ្នកចង់ចងចាំអ្វីមួយឲ្យបាន អ្នកអាចប្រើគន្លឹះងាយដែលមានចុងចួនមកជួយ។ ឧទាហរណ៍ថាអ្នកចង់ចំណាំពាក្យថានិយោជិត និងនិយោជកថាមួយណាជាថៅកែមួយណាជាអ្នកធ្វើការឲ្យគេ(កម្មករ)។ ដូច្នេះអ្នកអាចចំណាំថា និយោជកជញ្ជក់ពីនិយោជិត នោះអ្នកនឹងងាយចំណាំថានិយោជកជាថៅកែហើយនិយោជិតជាអ្នកធ្វើការឲ្យ គេ(កម្មករ)។
រំលឹកមុនពេលគេង
នេះជាវិធីដ៏មានប្រសិទ្ធភាពហើយងាយ។ មុនពេលសម្ងំគេងអ្នកគ្រាន់តែរកនឹកឡើងវិញរាល់ព័ត៌មានដែលអ្នក ចង់ចងចាំនោះ។ បើយើងរំលឹកឡើងវិញមុនពេលគេង នោះខួរក្បាលនឹងថតទុកព័ត៌មានទាំងនោះនៅពេលគេង ហើយអាចចងចាំរហូតភ្ញាក់ឡើង។
ហាត់ប្រាណ
ការហាត់ប្រាណពិតជាមានប្រយោជន៍សម្រាប់ខួរក្បាល វាជួយឲ្យខួរក្បាលដើរស្រួលនិងជួយបង្កើតប្រព័ន្ធសរសៃប្រសាទថ្មី ដែលមានសារៈសំខាន់បំផុតសម្រាប់ការចងចាំ។ មិនត្រឹមតែប៉ុណ្ណោះអ្នកជំនាញផ្នែកការចងចាំបានណែនាំថា ការហាត់ប្រាណនឹងជួយនាំឈាមគ្រប់គ្រាន់ទៅចិញ្ចឹមខួរក្បាល។
ទន្ទេញ
ការឆាប់ចងចាំក៏ជាប់ទាក់ទងនឹងការទន្ទេញផងដែរ។ ត្រូវធ្វើអារម្មណ៍ឲ្យស្ងប់ហើយផ្ដោតអារម្មណ៍ទន្ទេញអ្វីដែលអ្នក ចង់ចងចាំនោះ។ បើអ្នកបានទន្ទេញរត់មាត់ហើយ នៅពេលដែលអ្នកត្រូវការវា អ្នកពិតជាអាចនឹកឃើញក្នុងរយៈពេលដ៏ខ្លី។
ញ៉ាំអាហារត្រឹមត្រូវ
យើងពិបាកធ្វើឲ្យការចងចាំបានប្រសើរណាស់នៅខណៈដែលយើងញ៉ាំអាហារមិនត្រឹមត្រូវនោះ។
ជាទូទៅអាហារដែលមានប្រយោជន៍ចំពោះការចងចាំមានដូចជា នំប៉័ង គ្រាប់ធញ្ញជាតិ បន្លែ និងផ្លែឈើ ព្រោះអាហារទាំងនេះសំបូរទៅដោយវីតាមីនB១២ អាស៊ីដហ្វូលិក និងជាតិរ៉ែផ្សេងៗទៀតដែលមានប្រយោជន៍សម្រាប់ខួរក្បាល។ ជាពិសេសគួរតែញ៉ាំអាហារតិចតែច្រើនដង ប្រសើរជាងញ៉ាំច្រើនតែតិចដង៕
សំខ្យាល្ពៅ
គ្រឿងផ្សំ
ល្ពៅ(តូចៗទុំល្មម) ដូងទុំ ស្ករស អំបិល ពងទា។
វិធីធ្វើ
- ល្ពៅ ត្រូវចោះក្បាល ចិតឆ្កៀលយកគ្រាប់ចេញ មិនបាច់ចិតសំបកចេញទេ រួចលាងទឹកឱ្យស្អាត។ ចំណែកដូងទុំកោសពូតយកខ្ទិះតែម្តងទុកមួយឡែក។
- យកចានមួយមកគួសពងទាជាមួយស្ករស (ដាក់ឱ្យច្រើនបន្តិចព្រោះសំខ្យាត្រូវធ្វើឱ្យផ្អែម ដោយសារសាច់ល្ពៅសាប) វាយឱ្យទាល់តែពងទាឡើងពពុះ កូរប្រហែល 20 នាទី យកវាទៅលាយជាមួយខ្ទិះដូង ដាក់អំបិលមួយចឹប ដើម្បីឱ្យផ្អែមមុត។ បន្ទាប់មកយកល្ពៅមកច្រកទឹកសំខ្យាចូលឱ្យពេញ។
- យកល្ពៅជាមួយសំខ្យានោះទៅចំហុយក្នុងឆ្នាំងមួយ ដោយដាក់ចានមួយកល់វា រួចដាក់ទឹកពីក្រោម មើលភ្លើងឱ្យបានល្អប្រយ័ត្នទឹកដែលដាក់ចំហុយនោះរីងធ្វើឱ្យខ្លោច ឆ្នាំង ចំហុយរហូតទាល់តែទឹកសំខ្យានោះគោក ហើយល្ពៅឆ្អិនល្អនោះជាការស្រេច។
